Gobble, Gobble

Já það var Thanksgiving hérna á Simonyi á fimmtudaginn fyrir litla kanan. En vegna skorts á tíma og pening...og kannski kalkún og fat, þá var frekar óhefbundinn Thanksgiving dagur hérna. Það er ekkert meira bandaríkin fyrir mér heldur en epla pæ, sakna þess alveg úber mikið, sérstaklega þessi litlu sem mamma keypti alltaf í Brennan's fyrir mig og ég át með bestu lyst eftir skóla. En ég ákvað að skella í slíka böku tilefni dagsins og fór með Gunnu út í Interspar til að versla epli og fleira. Gunna, þetta yndi, ákvað að koma mér svo einu sinni enn á óvart og bjóða mér í Thanksgiving hádegismat...á engan annan stað heldur en Wasabi. Góð ástæða fyrir því að borða sushi á Thanksgiving er út af...þú veist Pearl Harbour og þá voru þeir í stríði við Japan og japanir borða sushi...auðvitað, duh. Svo við borðum yfir okkur á sushi eins og maður á að gera á Thanksgiving og eftir smá lærdóm var komin tími á eftirrétt, þá eplapæ, vanilluís og bambus. Svo var toppað daginn af með fótbolta, kannski ekki amerískan en fótbolti samt.

Ein önnur stór frétt...ég fann HAFRAMJÖL! eða kannski ekki ég. Ég þurfti að fá nýútskrifan debrecen lækni til þess að finna það fyrir mig, hún Björg. Björg er s.s. fyrrverandi læknanemi í DOTE og fyrrverandi eigandi herbergis míns. En hún reddaði þessu fyrir mig og núna kann ég að segja haframjöl á ungversku og get byrjað daginn minn rétt hérna með hafragraut:o)





25 dagar:)